Fasteignasala Sauðárkróks býður til sölu tveggja herbergja íbúð í fasteigninni við Geitagerði 3, Hólum í Hjaltadal í Skagafirði ásamt tilheyrandi hlutdeild í sameign og lóðarréttindum.
Íbúðin er á neðri hæð að sunnan með sérinngangi í fjórbýlishúsi, steyptu árið 2003. Íbúðin er 67,5 fm. Leigulóð hússins alls er 914 fm.
Snytileg eign og vel um gengin.
Gott útsýni.

Íbúðin skiptist í svefnherbergi, eldhúskrók og stofu í sama rými, baðherbergi, geymslu og þvottahús.
Gengið er til íbúðarinnar um sérinngang á suðurhlið hússins í dúklagða forstofu þar sem er skápur.
Eldhús og stofa er í sama rými með gluggum til vesturs og austurs. Parket á gólfi.
Í eldhúsi er hvít innrétting með grárri borðplötu. Beko eldavél, Whirlpool vifta. Ísskápur og uppþvottavél fylgja.
Baðherbergi er með dúklögðu gólfi, sturtu, innréttingu og hvítum tækjum. 
Herbergi er dúklagt og með skápum.
Geymsla er með góðu hilluplássi og bekk með grárri borðplötu.
Í þvottahúsi er gólf dúklagt, vaskaborð og hillur.
Frá eldhúsi er svalahurð til vesturs.

Að utan er húsið almennt í góðu ástandi. 
Bílastæði er vestan við húsið.
Nýlegt parket á stofu, eldhús og gangi.
Nýlegar rúllugardínur úr Álnabæ fylgja.
Loftljós fylgja.
Garðskúr fylgir ekki. 

Nánari upplýsingar um eignina og söluyfirlit er að fá hjá Fasteignasölu Sauðárkróks í síma 453 5900 eða á netfangið [email protected]
Sunna Björk Atladóttir lögmaður og löggiltur fasteignasali