Fasteignin Barmahlíð 25, Sauðárkróki ásamt tilheyrandi lóðarleiguréttindum.
Góð og vel skipulögð fimm til sex herbergja steypt einbýlishús á einni hæð ásamt bílskúr, alls 182,7 fm.
Íbúðarhúsið var byggt árið 1975 og 134,7 fm. Bílskúr var byggður árið 1981 og er 48 fm.
Leigulóð hússins er 826 fm. 
Fasteignin er vel staðsett innarlega í Barmahlíð og með útsýni til suðurs. Stutt er í góðar gönguleiðir og náttúru.

Fasteignin er í góðu ástandi að utan sem innan. 
Fasteignin var máluð að utan 2023.
Þakkantur er nýlegur en eftir er að klæða uppundir þakkant.
Rafhleðslustöð fyrir rafbíl fylgir. 
Nýjar frárennslislagnir eru frá húsi og í brunn. 

Íbúðarhúsið skiptist í 4 svefnherbergi (voru áður fimm), eldhús, stofu, baðherbergi, gestasnyrtingu, forstofu, þvottahús og tvær geymslur.
Inngangur er vestan á húsinu. Komið er í flísalagða forstofu með fatahengi.
Við forstofu er gestasnyrting og rúmgott herbergi. 
Gestasnyrting er með flísum á gólfi og hluta veggja og góðri hvítri innréttingu við vask. Herbergi er parketlagt en þetta herbergi voru áður tvö herbergi.
Stofa er parketlögð og með gluggum til austurs. Svalahurð er frá stofu út á steypta stétt í garði.
Eldhús var endurnýjað árið 2018. Innrétting er hvít og með viðarborðplötu. Helluborð, eldavél, innbyggður ísskápur og innbyggð uppþvottavél. Eldhúsbekkur er jafnframt við suðurglugga.
Inn af eldhúsi er rúmgott þvottahús og tvær geymslur. Frá þvottahúsi er hurð út að vestan.
Þvottahús er flísalagt og með góðri innréttingu, vask og handklæðaofni. Skipt hefur verið um glugga í þvottahúsi.
Herbergisgangur er parketlagður og við enda gangs eru hol sem nýtt er af eigendum sem sjónvarpshol. Skápur er við enda gangs.
Við ganginn eru þrjú herbergi, öll parketlögð og skápar í tveimur þeirra. 
Baðherbergi er við enda herbergisgangs með flísum á gólfi og veggjum, baðkari, sturtu og góðri hvítri innréttingu við vask. 
Bílskúr er tvöfaldur, rúmgóður og fullfrágenginn. Í honum er góð innrétting. Gólf er steypt og málað. Rafmagnslagnir og rafmagnstafla í bílskúr hefur verið endurnýjað.

Gólfhiti er í forstofu, baðherbergi, þvottahúsi, gestasnyrtingu og forstofuherbergi.
Sólpallur er sunnan við húsið. Stór heitur pottur sem rúmar allt að 12 manns er á pallinum. Potturinn er heitavatnspottur.
Í garði er góður geymsluskúr á steyptri plötu. Rafmagn er lagt í skúrinn. 
Leikkofi er í suðurhluta garðsins. 
Plan er malarborið

Nánari upplýsingar og söluyfirlit hjá Fasteignasölu Sauðárkróks í síma 453 5900 eða á netfangið [email protected]
Sunna Björk Atladóttir lögmaður og löggiltur fasteignasali