Fasteignasala Sauðárkróks býður til sölu fasteignina við Grenihlíð 4, Sauðárkróki ásamt tilheyrandi lóðarréttindum og hlutdeild í sameign.
Vel skipulögð og mikið endurnýjuð fjögurra til fimm herbergja íbúð í raðhúsi á tveimur hæðum ásamt innbyggðum bílskúr alls 181,5 fm.
Íbúðin er skráð 138,2 og bílskúrinn 43,3 fm. og byggð árið 1979.
Leigulóð hússins er 257 fm.
Fasteignin er vel staðsett í góðu hverfi og kyrrlátu umhverfi. Rétt við eignina er leikvöllur.
Snyrtileg eign. Gott útsýni er frá íbúðinni.

Fasteignin hefur verið mikið endurnýjuð:
2022 - Baðherbergi og gestasnyrting endurnýjað, þ.e. innréttingar, tæki, gólfefni o.þ.h.
2015 - Eldhús endurnýjað, íbúðin parketlögð, nýjar innihurðir og loftaklæðning.
Neysluvatnslagnir hafa verið endurnýjaðar.
Rafmagn er þriggja fasa og hefur verið endurnýjað að mestu leyti innan íbúðarinnar. 
Skipt hefur verið um alla ofna nema í herbergjum.

Íbúðin skiptist í þrjú til fjögur herbergi, stofu, eldhús, baðherbergi, gestasnyrtingu, þvottahús og bílskúr.
Neðri hæð skiptist í eitt til tvö herbergi, gestasnyrtingu, hol, þvottahús og bílskúr.
Gengið inn í flísalagða forstofu með skáp.
Við forstofu er parketlagt herbergi með skáp.
Annað herbergi er parketlagt og tvískipt. Rýmið var teiknað sem þvottahús og geymsla en er nú nýtt sem herbergi.
Gestasnyrting er flísalögð og með hvítri innréttingu.
Hol við stiga er flísalagt. Frá holi er innangengt í bílskúr og þvottahús. Hvort tveggja með máluðu gólfi.
Þvottahús er með dökkri innréttingu og grárri borðplötu. Vaskur er í innréttingu. Gott vinnu- og skápapláss er í þvottahúsi.

Efri hæð skiptist í tvö herbergi, baðherbergi, eldhús og stofu.
Eldhús er parketlagt og með hvítri innréttingu og dökkri borðplötu. Eldhústæki eru frá AEG. Uppþvottavél og ísskápur fylgir. Eldhúsinnrétting er frá Hyrnunni á Akureyri.
Á baðherbergi eru flísar á gólfi og veggjum við sturtu. Góð walk-in sturta. Hvít innrétting með ljósgrárri borðplötu frá Fríform og speglaskápur. Handklæðaofn.
Herbergi eru bæði parketlögð og með góðu skápaplássi. Svalahurð út á pall að vestan frá hjónaherbergi. 
Stofa er parketlögð og þaðan eru svalahurð á austursvalir. 
Geymsluloft er yfir allir íbúðunni.
Innfelld lýsing er á efri hæð nema í herbergi.

Að utan er ástand hússins gott og hefur því verið vel við haldið. 
Bílaplan framan við húsið er steypt og með snjóbræðslu. 
Pallur er í garði vestan við húsið.
Hleðslustöð fyrir rafmagnsbíl fylgir.
Flísar fyrir svalir eru til og fylgja.

Nánari upplýsingar og söluyfirlit hjá Fasteignasölu Sauðárkróks í síma 453 5900 eða á netfangið [email protected]
Sunna Björk Atladóttir lögmaður og löggiltur fasteignasali